بلاش تبعد بلاش تهرب
بلاش م العشق تستغرب
كفاية بقى اللي راح منك
وسلّم للهوى وقرّب
سنين راحت سنين فاتت
مشاعر إتجمدّت ماتت
أكيد آن الآوان تعشق
بلاش تفضل كده ساكت
بلاش على اللي فات تندم
وعيش وحب بقى واحلم
لأمر العشق إستّسلم
عشان منه مافيش مهرب
بلاش تبعد بلاش تهرب
سنين عدّت وليه خايف
تحب فى مرة وتجازف
برغم الحب قدامك
أكيد أنت اللي مش شايف
خلاص إنسى اللي فات وإبدأ
وروح للعشق طير وإسبق
ودايماً خلّي ليك فى الحب
مكانة وخلّي ليك مبدأ
مشاعرك صافية وبريئة
تهز القلب في دقيقة
مشاعر كلها إحساس
مشاعر هادية ورقيقة
حرام نسكت ومانحبّش
حرام القلب مايدقّش
حرام قلبي يشوف في عينيك
كلام منهم ومايردّش
بلاش على اللي فات تندم
وعيش وحب بقى وإحلم
لأمر العشق إستسلم
عشان منه مافيش مهرب
بلاش تبعد بلاش تهرب
بقلمي عبدالحميد وهبه
ليست هناك تعليقات:
إرسال تعليق