هو دا دمع الليالي جايلي تاني ....
يعزي قلبي في حلم خاب
ولا جايب حب غالي ...مش هعيش بجرح تاني
واسألوا شهد السحاب
ولا دا يومك وجايلك يدور بزمنك ...
لو كنت ناسي مين فينا خان
طوفان ونار دا جرح قلبي علي حب ضاع
بركان وثار ...ولو انت شاري..أنا قلبي باع.
مش قلت نبعد وبكره ننسى كل المواجع
وتطيب جراحنا لما ينسانا الزمان.
وإخترت تهجر وأقدرت تبعد وبعد
ما خانك زمانك
بتقول دا نسيانك سراب
لسه فاكر دي الوقتي جايلي مشتاق لحضني
وعايزني أسامحك ..لسه هنعيد اللي كان
دا غدر قلبك وسنين بعادك ...حفرولي قبري
وكتبوا موتي قبل الميلاد
تفيد بإيه دمعة عنيك وأنا قلبي داب..
من غدر قلبك وتاه وضاع
هيفيد بإيه ندمك وحيرتك ......
وبإيدك إنت النار في قلبي صارت رماد
لو روحي فيك أنا مش هسامحك......
ولا يوم هعاتبك ..ما راح خلاص زمن العتاب
وهو بكره جايلك بجرح قلبي...وحلم خاب
يسأل ضميرك مين فينا خان
وهو قلبي عندك إن كان يسامحك خليه بحضنك
ما انت علمته العناد
ونسيت أقولك قبل الوداع...وفر دموعك...
وبلاش عتاب........أنا قلبي مات.
أحمد طلبه.
ليست هناك تعليقات:
إرسال تعليق