من. تحت الأنقاض
وبين الركام
لقيت ايد. بتطبطب
وحضن ام بيضم
ايد بتطمني
وحضن بالقوي بيحن
سمعت الكل. بينادي
ويقول ماتت الأم
ماتت وهي حضناني
ماتت وهي بتفديني
خدت من عمرها وتديني
احلف بربي وديني
حقك مرسوم علي جبيني
لو اخر يوم في حياتي
حقك راجع يا أمي
وهادعيلك في كل صلاتي
تكون الجنة مأواكي
يا أمي يانور عيني
ويا ضمير العالم يامريض
وياعالمنا العربي يا جبان
راحت فين اخلاق الفرسان
راحت فين فرسانا الشجعان
من. اللي بيحصل في فلسطين
يا حكام أمتنا يا نايمين
اطفال ونساء وعجايز فلسطين
بينادوا وامعتصماه
وانتوا عاملين مش سامعين
والله لنشكيكم لله
وانا طفل ولسه في اللفة
مكتوب علي جبيني شهيد
بعد ما نرجع أراضينا
وحق ناسنا واهالينا
ونعيد انتصارات حطين
والنصر ليكي يابلادي
والعلم علي كل فلسطين
طول ما نسائنا ولادة
حتي في عمر الستين
بقلم
احمد محمود
من ديوان بنا. حروف
ليست هناك تعليقات:
إرسال تعليق