انا قاعد ومستني
عند البير
تلفي تلفي وهاتجيني
تلاقيني
فارش قلبي بشوق وحنين
مش ليكي
كان ليكي وشاريكي
وهاتجيني عطشانة
ومش هارويكي
ولا اسقيكي
وخليكي لهفانة وحيرانة
وخليكي كأرض البور
حواليكي دبابير بتدور
بيرضوا غرورك الزائد
وفي الأخر
من كل دبور لسعة
وتلفي تلفي وتجيني
تقولي لي
اسقيني ارويني وداويني
يا شاقة قلبي دا نصين
كان ليكي وكان بيكي
وعمر اللي مات ما يقوم
ها خليكي كأرض البور
مستنيكي عند البير
بقلم
احمد محمود
من ديوان سكة العاشقين
ليست هناك تعليقات:
إرسال تعليق