عايشة لوحدي وحوليا
محوطاني الناس
والقلب الأخضر بقى صحرا
من غير احساس
دا الحب هجرني وراح وحده
في البعد وغاب
ركب الموجة ورا الموجة
من غير أحباب
الموج بيعدي قصاد مني
وبيسأل ليه
تمللي بيسأل ويا خسارة
ما جاوبت عليه
أقول دا حبيبي راح مني
من غير أسباب
أقول الضحكة بقت صرخة
والفرح عذاب
اقول الفجر هرب مني
وطلع كداب
يا موجة تعالي قصاد مني
خدي مني كلام
خديه وروحي لحبيبي
وأرميله سلام
قوليله إني بستنى
قدر ونصيب
قوليله مهما غاب عني
ما في غيره حبيب
يحيى حسين القاهرة
24 يسمبر 2018
ليست هناك تعليقات:
إرسال تعليق