كل يوم نفس الحكاية
وهي نفس الإصطباحة
قصة مالهاش يوم نهاية
ودنيا مابقاش فيها راحة
كل يوم نفس الروتين
دايرة فيها مربوطين
يعني نهرب منها فين
وإحنا متغمّي عينينا
كل يوم شبه اللي بعدُه
واللي جاي زي اللي عدّوا
كله يشبه يعني بعضُه
والسنين بتعد فينا
لأ تعبنا بجد فعلاً
واللي حاصل لينا دايماً
شئ مُمل بقى بصراحة
كل يوم نفس الحكاية
وهي نفس الإصطباحة
كل يوم عايشين لِغيرنا
لما يعني نسينا حالنا
توهنا يعني وتاه مصيرنا
والحياة إسودّت قُبالنا
يوم بيوم والعمر ينقص
فجأة راح نلقاه بيخلَص
واللي عاش طول عمرُه يخلِص
ولّا يدّي بدون حِساب
بكره يتساوىَ بغيرُه
اللي عاش بايع ضميرُه
كلُه في الآخر مصيرُه
راح يكون تحت التراب
لأ تعبنا بجد فعلاً
واللي حاصل لينا دايماً
شئ مُمل بقى بصراحة
كل يوم نفس الحكاية
وهي نفس الإصطباحة
بقلمي عبدالحميد وهبه
ليست هناك تعليقات:
إرسال تعليق