كنا زمان
بنقول عليه جراية
وبعد ما طلعنا
لقيناه بقي قصة وحكاية
بقي بالزحمة والطوابير
وبعدين خلوة بالبطاقة
وكمان صغروة حبتين
قولنا ومالة مش حكاية
والعيش والملح
بلاش رغيف العيش
ومن هدومنا ما تطلعوناش
هوا دا بروتين الفقير
وما بقاش عندنا غيرة
لانة طري علي سنانا
واللحمة بقت علينا غالية
وبعدين بتوجع اسنانا
والعيال بقوا ما يعرفوهاش
عشان ما اكدبش عليك
بنجيب شوية عضم
وبنعمل بيهم شوربة
وشوية فتة بالخل والتوم
بردوا بالعيش
حتي العضم بنشترية
والله مش ببلاش
اكل الكلاب بنشترية
والله مش ببلاش
الرحمة شوية بقي
رخصوها
مش عاوزنها ببلاش
ومش هنقول لله يامحسنين
بس انتوا ما تحوجوناش
سيبولنا بقي الرغيف
واللحمة ما بنحبهاش
وربي يخلي المحسنين
في رمضان ما بينسوناش
في مؤائد الرحمن نأكلها ببلاش
بس انتوا اوعوا تنسونا
والرحمة تجوز علينا
وياريت في رمضان
ما تنسوناش
بقلم
احمد محمود
من ديوان بنا حروف
ليست هناك تعليقات:
إرسال تعليق