شكلة كده زعلان مني
ومش بيكلمني
مالك يا صاحبي ما تفهمني
ياما قولنا كتير حكايات
وكتير روايات
عن الحب والهجر والألم
وياما سهرت ويايا
محتاجلك يا صاحبي
تكتب اللي جوايا
عن الأمل
اللي انزرع جوايا
شجر الامل
طرح عناقيد وعنباية
العشق الساكن جوايا
اكتب. وقولي يا قلم
انا. بالامل
حبيت الحب بزيادة
وعندي أمل
في بكره الحلو. بزيادة
ويا بكره قرب بقي
وحط عل الحبيب زواده
بذرة أمل
تنور حياتي بزيادة
وأصرخ وقول ياقلم
انا بالأمل
يتحقق حلمي بزوادة
قلمي صالحني وقال
اللي جوايا وزيادة
وحييت قلبي الحزين
ورجع الفرح بزيادة
والحياة من غيرك يا قلم
لا ليها زاد. ولا زوادة
قلمي صالحني
بقلم
احمد محمود
من ديوان بنا حروف
ليست هناك تعليقات:
إرسال تعليق