عمالة تضيق
في كل طريق
ولو ضاقت كمان حبة
استرها علينا يارب الكون
وخلي المستور يتخبي
تنزل دموعي تكويني
واخد منها و اتوضي
اصلي صلاتي في نص الليل
وطلوع الشمس بستني
عشمان في صبح يكون جديد
ياخد همومي و يسعدني
احسن والله تعبت خلاص
وعن طريق الحزن يبعدني
بنادي علي الدنيا تجيني
تعمل فيها مش سامعة
دموع عيني. خلاص نشفت
ما عادش فيها ولا دمعة
دي الحالة بالقوي ضاقت
وبقت محتاجة قوام ذقة
عضم الفقير صبح فتافيت
ما يستحملش ولا دقة
افرجها علينا يارب الكون
ولا لمخلوق ما تحوجنا
اصل الشكوي لغير الله
والله بتكون دي مذلة
وأنا علي ربي عمري مهون
ورب الكون ما ينساني
لو كل الخلق دي نسيتني
بقلم
احمد محمود
من ديوان بنا حروف
ليست هناك تعليقات:
إرسال تعليق