من يوم ما بعِدتي وسِبتيني
حاسس وكأني باقيت ميت
صورتِك قدامي قصاد عيني
سارح بالفِكر ومتشتت
حاسس باليُتم أنا من بَعدك
من غيرك عايش وحداني
مخاصمني النوم من يوم بُعدك
والفرحة نسيّت عنواني
والدنيا في بُعدك مش هي
ووشوش الناس مش حقيقية
ودموعي مفارقتش عينيا
والقلب ف أحزان بيبيّت
من يوم ما بعِدتي وسِبتيني
حاسس وكأني باقيت ميت
بمجرد بس ما فكّرتي
وعرفت بإن إنت هتمشي
وأنا عايش بين عجزي وحيرتي
والنوم من يومها خاصم رمشي
خايف للبعد بقى يطوّل
وأحتاجلك أكتر م الأول
لا أنا هقدر يعني على غيابك
ولا هقدر أصبر وأتحمّل
من يوم ما بعِدتي إتغيّرت
تايه م الفكر ومحتار
وماجتش في يوم إتصورت
إني أسهر كده ليل ونهار
وفضلت ف بُعدك متحيّر
تعبان واللهِ ومتأثّر
ملهوف لحنانك مشتاقلك
وكأني باقيت طفل صغيّر
بقلمي عبدالحميد وهبه
ليست هناك تعليقات:
إرسال تعليق