د/ حامد خشبة
من يوميات عاشق
أفكرك
أنا بحبك حب مالو حدود
بعشقك وبعشق ترابك
وإنت سايباني دايب في حبك دوب
وكأني بحبك من طرف واحد
ومعلق في وصالك بحبال دايبه دوب
ليه هو إيه كان ذنبي...
دا لأني من طينك
والا أنا مش ف حساباتك
حتى اسمي مصراوي من اسمك
لما أروح أي مكان
يعرفوا إني حته منك
وإنت ليه أسيا …
جبتي الأساوه منين
دانت مشهوره بالحنيه والطيبه
مش لايق عليك ثوب الأسيا
إرجعي لثوبك …لأصلك
أحسن اللي بينسى أصله
...بيتوه...
لايعرف له حبيب يصونه
ويصون عشرته ليوم الشده
… يعينه...
أنا اللي أحمي ظهرك يوم عوزه
قوليلي هتلاقي مين غيري يداويك
لما تنصابي ويلملم لك جروحك
لو ناسيه...أفكرك
أنا من طينك
لون عنيا لون ليلك
دا قلبي بيحس بآلامك
كان جسمي بيشفى لما يتعفر بترابك
ونفسي لما أموت تاخديني في أحضانك
بقلمي
د/ حامد خشبة
ليست هناك تعليقات:
إرسال تعليق