خلف الجدران (263)
..................
هتقولوا بكاش مكتوم صوتي
وفى فشري غلبت القرموطي
خلف الجدران ياما هتسمع هحكيلكوا حكايتي وبشروطي
طول عمري يا ناس
هادي في حدودي ماشي جنب الحيط
أحيانا بس أما أتعصب والدم يشيط
أضرب وأكسر ولا أفوقشي
غير تحت البيت
من يجي شهرين كنت مجبس
ويا دوب فكيت
منها لله اللي رمتني
والقصد نجيت
أصل أنا مفتري جوا في بيتي
وأحمى من الزيت
.... فينك يا منيل
يا مدهول وفأيه عكيت
قاعد كده ليه قوم ع المطبخ
أغسيل لي الحيط
.... بحمد ربنا على دي هديه
جوهره فى البيت
.... أرغي يا رغايه وميه لوك لوك
إنهي ما ترغيش
خلص يا حبيبي مش فضيالك
ما توترنيش
.... جياللي ماسكه المنفضه وأنا جسمي لا حمل العضعضه
إن جيت أتكلم بالرضا
تسمعوا طاخ طيش
والقط لا سايب خناقه
ما بيستغنيش
أوقات تشوفوني عنتره
وقت الخروج والمشواره
أرجع لعش المؤذيه
أرجع ولا فأر في المصيده
مين قال شوف حل
وليه ساكت
الحب يا صاحبي مخليها
بايعه لنفسها
حتى الچاكت
لا نافع أيد هون
ولا مروحه
توكيل قسميتي
أنهى الراحه
حبها ومعلم على جسمي
بين الآه والآه خط جراحه
ومرايه الحب دي مش عاميه
أنا اللي كسرت النظارة
بقلم .. صبري رسلان
ليست هناك تعليقات:
إرسال تعليق