إخوة الغدر
إخوة.....كنتوا بتدعمونا
شو جرى حتى نسيتونا
ونحنا....ذقنا الصبر المُر
وما.....حدا حاسس فينا
وشعب...غزة بيبقى حُر
إن متنا........بعز بيكفينا
وبكرة...رح تزدادوا قهر
وحتذوقوا......مُر الكينا
والدم........منا جرى نهر
وصمت..الإخوة مبكينا
والحرب صرلها ١١ شهر
ونار......التهجير كاوينا
وقلب العرب متل صخر
ولا......بالكلمة بيرضينا
مع..إنا عشنا كل الدهر
وللكل....إنمدت إيادينا
وصُحبة دامت كل العمر
وما........غيرنا بمبادينا
وهلء نحنا بيوم الحشر
وما في......مين يعزينا
فقدنا الإبن وفقدنا الصهر
وماتوا.........كل أهالينا
ودموع بتنزل متل الجمر
وحرقت....معها مآقينا
وطعنت فينا أيدي الغدر
وما....في خيمة تآوينا
والكل فينا صابوا الفقر
وشمتوا....فينا أعادينا
وعم نتحلا ببعض الصبر
ووحدوا...الله لِحامينا
وبندعي الله ننال الأجر
لما.......بيتحقق النصر
وبترجع....كل أراضينا
إسحاق قشاقش
ليست هناك تعليقات:
إرسال تعليق