كل حاجه وليها أصل
وهي أصل كل شئ
هي سِحر ف نظرة حلوة
تشوفها يوم تصبح غريق
هي فعلاً مادة خام
للمشاعر والغرام
لو هأوصف مهما أوصف
مش هيكفيها الكلام
ليها طلّة مع كاريزما
والغريبة بجد لمّا
تمشي يحصل ألف أزمة
ويتقفل مليون طريق
كل حاجه وليها أصل
وهي أصل كل شئ
شفت لمّا الشمس تبقى
إزاي جميلة في الغروب
في الجمال دي بتبقى سابقة
وتخطف الروح والقلوب
هي حاجه ما تتفهمش
حاجة يعني ماتتوصفش
والحقيقة على جمالها
الجميع مابيختِلفش
القمر لو كان بيفهم
كان أخد وياها صورة
حاجه يعني أكيد هتلزم
تنفعه وقت الضرورة
بس خاف حد يشوفها
ويقارن بينه وبينها
خد قراره و دار لوحده
بالهروب والبعد عنها
بقلمي عبدالحميد وهبه
ليست هناك تعليقات:
إرسال تعليق