حكمت المحكمه
--- قلم السيد بدر
حكمت خلاص المحكمه حكمت خلاص
حكمت نهائي المحكمه ومافيش خلاص
ضعيف وجوعه اعفا منه
مد إيده وخد رغيف
قالو سارق واللى يسرق فى البلد دى
مش شريف وتنصبت المحكمه
جرجروة
درمغوة والجنايه
مد إيده وخد رغيف
ضعيف لا حول ولا قوه
مالهش جيب ومنين يجيب تمن الرغيف
لو إيده يوم سرقت دهب
كان بقاله جيوب كتير
وبدل الفرن أتنين تلاته
الحكايه قتله جوعه
مد إيده خد رغيف
قامت الدنيا وهاجت
وتنصبت المحكمه
كل ده عشان جعان مد إيده وخد رغيف
جرالكو ايه طب اسألوه
افهمو اصل الحكايه
ناس كتير لو تسألوهم
مايملكوش تمن الرغيف
ولا يعرفو أيه بعزقه
ولا ضهر يتسندو عليه
خانقه أيامهم وديق
ماحدش رق لدموعه ولاكسرته
الكل شرفا والكل كان جاى عليه
القانون صابه العما
مابقاش يشوف غير الضعيف
والحق ديما للقوى
والقوى صاحب الرغيف
الظلم لو بالعدل حق
ولقوى يساوى الضعيف
محتاجين قانون مفتح
من غير مايسأل ده أبن مين
نفسي يحصل مش هايحصل
طول مالقانون ماهوش أمين
اللى يسرق الجمل مابنشوفوش
عيونا علي سرق رغيف
إللي بيسرق الجمل ديما قوى
واللى بيسرق الرغيف وحيد ضعيف
برائه للي سارق جمل
والسجن للى سرق رغيف
حكمت نهائي المحكمه
والقوي يغلب ضعيف
ليست هناك تعليقات:
إرسال تعليق