بصراحة باقيت حاسة بإني تفكيري إتشل
مش عارفة حُبُه مازال فيا أو فعلاً قَل
لا أنا لاقية حد يفهّمني ويقولّي ده إيه
ولا لاقية لحالتي اللي أنا فيها تفسير أول حل
وإن كنت بشوفه قُبال مني أو حتى قُصادي
إحساسي بيه أصبح فعلاً إحساس كده عادي
ماعرفش إن كان راضي بحالتي ولّا ماهوش راضي
ولّا من الوضع اللي أنا فيه فعلاً بقى مّل
بصراحة باقيت حاسة بإني تفكيري إتشل
بصراحة باقيت حاسة بإني مهمومة وضايعة
وحبيبي ساعات بيكلّمني وبكون مش سامعة
مش عارفة إيه اللي إتغيّر أو إيه بقى صابني
مع إني كنت بأشواقي أستاذة جامعة
وف وقت بسيط جداً فعلاً الحال إتغيّر
لا أنا عارفة بجد أوصف حالتي ولا قادرة أفكّر
أنا فعلاً خايفة ومش فاهمة ده بيحصل ليه
والحالة بجد اللي أنا فيها على قلبي إتأثّر
بقلمي عبدالحميد وهبه
ليست هناك تعليقات:
إرسال تعليق