ياللي ساكن جوه قلبي
ياللي سارق حتة مني
ياللي صورتك جوه النن
ياللي اختارت تبعد عني
بكره يرجعك الحنين
ولا انت عشقت الأنين
دقيقة اهات ودقيقة حنين
ودقيقة دمعة حزن بتكوي
الرمش والنني وكمان العين
واتوه انا ودموع العين
مع قصة حب شغلاني
وملكاني سنين وسنين
مابين اها وبين الحنين
و انا والعشق اللي جوايا
نروح من حبك فين
ياقاسي وقسوتك حنية
يا مالي كياني وقلبي وعنية
ما اشتقت لي في يوم
ازاي جفنك يطاوعك
وليلاتي يجيلك نوم
وانا صاحية علي رمشك
ومرسومة جوه العين
وحياة سهري وانيني
وحياة دمعك يا عيني
بكره هاترجع وتندم
وتطلب مني السماح
وحياة كل اللي راح
ياقلبي يا مليان جراح
وحياة حب السنين
ومعاه نار الشوق والحنين
راجع راجع لقلبي
بعد صبري عليك سنين
قولي بقي انت فين
بقلم
احمد محمود
من ديوان بنا الحروف
ليست هناك تعليقات:
إرسال تعليق