...............
بتهدد فيا سنين مره
كام يوم وتروح
ومانعيني أتكلم ولا أشكي
وأقول مجروح
مش خايف أعاندك وأقول لك
ما الباب مفتوح
ويا ريتك تصدق
في كلامك
وإعملها و روح
لأتحزم وأرقص من زهقي
وترد لي روح
وأوزع شربات ع الحته
وبوفيه مفتوح
ده قطيعه الحب وكان يومه
جاه عندي حروف
دبدوب كام ورده وكام غنوه
مقضيها كسوف
أستاذ تمثيل ولا فيه منه
وتغيير في وشوش
ووقفت لأهلي عشان قلبي
عاجبه سي مندوح
فكرت بقلبي وراح عقلي
مقموص ملوح
ويا ريته كان بكى عينيه
ولا أدوق دي جروح
ده نهارك إسود مش كحلي
يا جدار مشروخ
ده كفايه لهمك أنا صابره
من الغم رفوف
وبروده قلبك خليتني
عايشه بدون روح
على قلبه مراوح متهني
تلاجه بروح
وإن قولت لعقلي إني هسيبه
لأ غير مسموح
رديت دلوقتي بتنصحني
لسنين ملوح
دي مرايه الحب يا ناس عاميه
ولا أنا منحوس
بقلم .. صبري رسلان
ليست هناك تعليقات:
إرسال تعليق