..............
آه يا وجع العمر طال
طال ونابني جحود وصال
غصب عني دموعي نزلت
لما إبني عليا جار
شاف محامي ينهي عمري
فى المحاكم والمرار
قاله أحجر عاللي مني
وهات لي ماله وغيط ودار
قولي أيه الأوراق لعزله من
حياتي بإختصار
.. صورة من ضحكه عيونه وإنت مولود بين أيديه
صورة من قلبه اللي فارد فرحته
جوا فى عينيه
صورة من قلقه وخوفه
فى المرض كان شكله أيه
هات لي صورة والف صوره
من الحضانه للطفوله
وقلبه حاضنك من أيديك
صورة تانيه بطعم
عرقه والشقى
لفرحه فى عينيك
صوره من عمره اللي باقي
يوم جوازك مده ليك
وإنتظاره كل ليله بكره
هيجيه الحفيد
صوره من مشهد جنازته
والندم ما بان عليك
صورة من قسوه ولادك
يوم حصاد زرعه أيديك
بقلم .. صبري رسلان
ليست هناك تعليقات:
إرسال تعليق