................
ومشينا بدون ما نودعهم
شاردين تايهيين
لكفيتنا همومنا على حالنا
في الغربه سنيين
والقلب ما حنيش لسلامهم
يوم كانوا عايشين
ولا يوم فكرنا طريق دارنا
ولمين راجعين
لمليمت الفقر وكفنته بلا ذكرى ودين
ونسيت في وشوش كنت فاكرها
حتى الوالدين
ده صحيح المال قسى فى قلبك
ولا بكيت عين
عملك من بختك وجحودك
والنار لنارين
وطريق القسوة اللي بديته
شوف واخدك فين
نساك حتى سؤالك عنهم
مايتين عايشين
والرحمه إتنزعت من قلبك
ميت له سنيين
والشوك اللي زرعته بأيدك
راح تجنيه دين
والعلقم حتما هتدوقه
عندك ولدين
والعمر لا باقي على حاله
وشراه ده منين
إفتح في دفاترك هتحاسب
على قهر سنيين
بقلم .. صبري رسلان
ليست هناك تعليقات:
إرسال تعليق