..............
وآه يا قلبي اللي إتوجع
من يوم فراقه
طعم الألم والليل
ما أنام حاضن سلامه
مشتاق لضحكه من الخدود
وعطر بستان من الورود
في هواه وكلامه
هقضي عمري اللي باقيلي
في ثوب دموع
وأغزل بأيدي شمس بكره
يجوز يعود
لا البعد نساني الوعود
وجوا مني عينيه شهود
باني دير غرامه
لا حرمته يوم من ليل هنا
ولا دمعه بانوا
طب فاتني ليه وغيرتي
عليه وإزاي أخونه
غروره كان سيف هد بيه بيته ووصاله
وعاوزني طوق حبله في أيديه
يرضي خياله
أتاريه ده ناوي ع الفراق
ولا همه عشرة
واللي إشتريته باع رخيص
بان وده قشره
ياما نسيت وعليه داريت
صاين وجوده
وفى كل مرة أعلي فيه
وأمدح وروده
خدعني قايد شمعيتي
على ليل سدوده
وجاني بكره ما لقيت له
في حضني عوده
فارق خلاص وأختار مقاس
ثوبي فى عذابه
بعتب على حالي وألوم
ليه بكيت عشانه
ولا عاد له ذكرى إتنسيت
يوم هجرة بابه
بقلم .. صبري رسلان
ليست هناك تعليقات:
إرسال تعليق