خلّيت بالوعد
كان إتفاقنا أنا وهي
نقعد يومين ما نكلّم بعض
وأمورنا عادي وطبيعية
وكلام حقيقي و جَد الجَد
فجأة الحنين ليها غلَبني
ولاقيت مشاعري بتسبقني
وعيوني صبحت مشتاقة
وقلبي راح ليها سبقني
واللهِ فعلاً ماقدِرتش
وحاولت لكن ماعرِفتش
نِسيت كلامنا وماصُنتش
آسف عشان خلّيت بالوعد
كان إتفاقنا أنا وهي
نقعد يومين ما نكلّم بعض
كان إتفاقنا إزاي نقدر
ع الحب أو نتحكّم فيه
وعلى الفراق إننا نصبر
لو حد يوم أجبرنا عليه
وقولت ليها أكيد طبعاً
ع الوعد وياكي أنا دايماً
لكن يدوب عدّت ساعة
لاقيتني بسأل وأطّمن
كان الكلام سهل وعادي
واضح أكيد يعني وشفّاف
بالإتفاق كنت أنا راضي
ومافيش عليه كان أي خِلاف
لكن أكيد سُرعان ما إشتَقت
وبالخلاف لكلامنا بدأت
ما هو مستحيل يعني بدونها
هيفوت عليا أكيد الوقت
بقلمي عبدالحميد وهبه
ليست هناك تعليقات:
إرسال تعليق