فيه ناس في الدنيا دي فعلاً
أكيد في الحب محظوظة
وناس علاقتها ليه دايماً
بتبقى علاقة مهزوزة
وناس تانية كتير ياما
خافت م الحب وعذابُه
وناس عايشة في دوامة
بتشكي الهجر وغيابُه
سيبك م الكل وإطّمن
ده قلبي ليك صبح مَسكن
وفي غيابَك أكيد دايماً
حقوق الحب محفوظة
فيه ناس في الدنيا دي فعلاً
أكيد في الحب محظوظة
كتير واللهِ بشتاقلَك
وألاقي دموعي غلباني
في وقت ما ببقى محتاجلك
وعشقي غلبني من تاني
بغمض. عيني وأفتّح
وببني في قلبي ليك مطرح
ولمّا حنيني يغلبني
قصاد صورتك بروح وأسرح
خلاص يا حبيبي ما تخافشي
ولا تشغل بالك بيّا
دي صورتك بين عيني ورمشي
ومكانتك زي ما هيّ
تروح وتغيب كتير عادي
بكون دايماً أكيد راضي
لا عمري في يوم هكون جاحد
ولا جلّاد ولا قاضي
بقلمي عبدالحميد وهبه
ليست هناك تعليقات:
إرسال تعليق