هس هس هس
هس هس هس
بص يالا بص
بص عالبيوت
بص عالشوارع
دم عالحيطان
دم لسه طازه
سخن واخر لذاذه
بص عالحمام
طاير فوق الغيطان
هس هس هس
بص عالجوامع
بص عالمزارع
والنخل والزيتون
غزه لسه واقفه
الله يحفظ ويصون
دخان من القنابل
وسيل من الرصاص
وعيال ماليه الشوارع
والدمعه عالخدود
والحلم صبح طالع
وسط النار والاتون
هس هس هس
بص بص بص
بص عالمدارس
بص عالفصول
دم عالمرايل
يحكي عالمهازل
العار والا السكوت
عصفور اخضر وطاير
وفي لحظه ليه يموت
وكلاب ويا الديابه
تنهش لحم الغلابه
وتهد في البيوت
يافجر امتى ترجع
والنور يملا المكان
ويكحل العيون
والبنت ام الضفاير
تزرع ورد في جواير
وتقطف الزيتون
.......... ...... ....
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق