...................
ياما قالوا
عن الجراح
ييجي يوم وهتتنسي
واللي مات فى العشق راح
مسيره يدبل يتنسي
قالوا إخلع ثواب عذابك
وإنسى مين خانك وباعك
هنسى أيه ولا أيه
ولا أيه ولا أيه
هنسى ليل ما سهرتهوش
هنسى دمعي جوا عيني
وحزن بايت ع الرموش
هنسى قسوة المحبه
والخداع ما بيستخبى
والعناد فرق أحبه
ياما سهروا وما ناموش
دوقت شهده فى أوله
والليالي إتبسموا
فجأه كسرت كل حاجه
وليل مشاعره إتحولوا
الوداد بقى ليل جفا
والغرام كله إتنسى
واللي بينا الله يعينا
في حضني شوكه وثوب كسا
لسه جرحه جوا مني
له سنيين ما بيتنسى
لا الكلام خفف وطبطب
ع اللي وجعه لسه عايش
جوا منه ونار بتكوي بآه
عذابه من القسى
هنسى أيه ولا أيه
ولا أيه ولا أيه
بقلم .. صبري رسلان
ليست هناك تعليقات:
إرسال تعليق