صرخة وجع
حبيبتي
عايزة حاجة اجيبهالك
وانا جي
هاتلي قلب زي قلبك
لما كان ينبض وحي
هاتلي حضن زي حضنك
حنانه يكفي كل الحي
هاتلي عين زي عينك
يشوفني فيها الرايح والجي
هاتلي ايد زي ايدك
تطبطب عليه لما أتوجع
ولا اصرخ واقول اي
هاتلي صوت زي صوتك
يطمني
ما يسمعناش الرايح والجي
واسأل بياعين العسل
هاتلي صبر وانت جي
وهات كمان حبة بصل
احسن دموعي اتحجرت
ابكي عليك وانت حي
وهات وهات وهات
هاتلي حاجة بيها امسحك
وامسح كل الذكريات
خليتني اكره اللي جي
وخليتني اندم عللي فات
هاتلي معاك مسك وكفن
اكفن فيها قلبي اللي مات
جوايا واندفن
ادعي عليك بكل صرخة
وجع
خليت حياتي كلها بقت
صرخة وجع
بقلم
احمد محمود
من ديوان بنا حروف
ليست هناك تعليقات:
إرسال تعليق