زجل
( كده برضه )
كده برضه يا أوروبا؟
أمشي معاكي أيام صعبة
تمشي إنت على ( الدين )
وأرجع أنا والفوضى؟
مش كنا متعاهدين
ع (النجاسة) إحنا الإتنين
وبقيت أنا علماني
وآهي كانت تتقضى
كده برضه يا أوروبا؟
كان حالنا حلو وماشي
وفصلت اللي :
بتقولي عليه فاشي
( صليت زي ماصليتي )
من غير حتى م توضى
كده برضه يا أوروبا؟
زرعتي:
( الفوضى الخلاقة )
جننتي:
أعضائي المشتاقة
وأول ماجيت أحضن
خضتيني أكبر خضة
كده برضه يا أوروبا؟
وصحيت
على الدين بالإسم
وطلعتي
إنت من ( كل الجسم )
لا فوقت من الغربة
ولا عالجوني مع المرضى
كده برضه يا أوروبا؟
نقد ذاتي
ل حربي علي
شاعرالسويس
ليست هناك تعليقات:
إرسال تعليق