الخيانة مش حبيب
خاني وسابني وفات
واقعد اندب فيها حظي
وتقتلني الذكريات
الخيانة مش صديق
في وقت الضيق
وفي نص الطريق
وفي أصعب محنتي
تخلي عني وسابني وفات
اصعب خيانة
إللي تخونك فيها صحتك
إن تهرب منك ضحكتك
ان عيونك
تتوه فيها. عن سكتك
حتي الشوارع
تنسي رنة خطوتك
اصعب خيانة
انك ترجع تاني طفل
ويمسحولك. دمعتك
ويقلعوك ويلبسوك هدمتك
ويرتبولك فرشتك
وتبقي ضيف تقبل
وتقل فيها محبتك
اصعب خيانة أن الحبيب
هوا اللي يتمني فرقتك
وكمان يدعيلك
إن ربي يحسن خاتمتك
ويعمل بروفة اللي فيها
خارجتك
هي دي اصعب خبانة
إن تخونك صحتك
سلامتكم
بقلم
احمد محمود
من ديوان بنا الحروف
ليست هناك تعليقات:
إرسال تعليق