كلام محمود ذكرني وانا ناسي
وأنا والله مش ناسي.
لكن خايف من زعل ناسي
غضبهم للقريب قاسي
فليه اتعب انا قلبي وتتصدع كمان راسي
وليه أحكي عشان زينه
زينه البنت الطيبة الحلوة
ولاد العم سيبينها ونسينها
لخطابها بلامهر وبلا شبكة
مافيهم عقل كان راسي
تشوف زينة.
دي لما اشتد لها عودها
وطرح الورد بخدودها
ورسمة كحله بعيونها
تقول دا ياقوت
تركوها وهي شرياهم
ومدوا للغريب إيدهم
قروابالسرفتحتها
وشربو نخب
برائتها
انا والله عامل ناسي عشان الفعل كان قاسي ومش ناسي
دي كانت قبلة العشاق وكيده كل حسادها
وكل غريب عنيه منها.
مهي حلوة وزينة لكل معارفها
سبوها للغريب الدون
طمع فيها ودمرها
داخل طالب ياخدها بدين.
ولو رفضت تكون عافيه وبالقوة
أبوها من زمان عرفات وقابله شيخ قعيد لكن..... بحق ياسين. هو الاقوى
وقف وحده وقال للغريب برا دي مش سايبه
هتفضل بالسنين حرة
دي بنت الزين
ماولاد العم مش فارقه معاهم مين
يناسبهم
وشيلت الهم في قلبي وناسيهم
قصدي إني سايبهم
وعامل نفسي مش شايف بلاويهم
لكانوا يوم مساندنها ولا دافعو بيوم عنها
عشان الغريب مسنودومساعدينه قرايبها
قرايبها شرفهم مات
لهم طلبات
عشان الندل يحميهم يعيشوا في هدوء وسبات...
وزينه بإيدها ايه تعمل
مادام عربانها نكرينها
وانسحبو كده بسكات
غريب سافل بيتمرقع ولا هامو
دا ناوي كمان على لينا
نعم لينا
دي لوزة مقشرة ولون الثلج بشرتها
عشان زينه تموت فعلا بحسرتها
ده لينا جنب زينة اخوات
عشان يجمع مابين الاتنين
ولاد العم نسو النخوة
وباعو الأهل والصحبه
وسابو غريب
ويعمل م الليطاني سكة
يجمع زينه مع لينا سوا الإتنين
وأنا مش واعي... لاء واعي
بس عامل نفسي مش واعي
كفايا علينا نتفرج
ونبكي وإحنا ندعيلهم
وقولو أمين
على الظالمين.. وعلى الخاينين
وعلى اللي باع اخوه عشان
يحافظ بس ع الملاين
كفايه علينا نتباهى
بطلق النار ونشبع من وليمة العرس..
ونستنى نشوف الدور جاي على مين
وتتمرمط عمم راسنا فى وحل وطين
عشان نسكت لصاحب الدار
وهو بايعها للخاينين
ده باعوا النخوة والله
وباعوا من الأساس الدين
ومش محتاح تفكرني
أنا عامل كده ناسي مدام فاكرين
ولا شي فينا يتغير مدام راضين.
نور الدين محمد(نبيل)
٨/١١/٢٠٢٣
ليست هناك تعليقات:
إرسال تعليق