مش واقفة
جاريها تلين
قلم/ نورهان محمد علي
-------------------------
لما الدنيا وقفت بينا
وسمحنالها
كانت إيه النتيجة
لما منها جينا راجعين !!!
بصينا لقينا الحال واقف
وفاتنا كتييير
للحزن ليه مسلمين
وأدينا أهو على حالنا
وخلاص واقفين
الحزن مغمي عنينا
وقلوبنا فيها أنين
لا إرتحنا ولا عايزين
بإدينا نطفي وجع والقلب نعيمه فين
كل حزن بيعدي بيكون له رصيد
طب ليه بنزود فيه وله مسلمين
الحزن وقته قليل
ما يخدش منا دقيقتين
البسمة راحت فين
الدنيا فيها أنين
بيعشش
في قلوب ناس عايزينه
راضيين بيه مسلمين
وناس تانيه تاركينه
تضحك ضحكة ترسم مشوار طويل
بتقسمه ببهجة فيها حنين
تمشي ترتل ألحان
الحب فيه طريق ودليل
قابلاه بكل تفاصيله
تمشي المشوار بضمير
حاجات كتير فاتتنا
يمكن من كتر ضغوطنا
بس هي اللي باقية
زي الضحكة في وشوشنا
والقلب بيها يلين
رضا
وصبر
وتفاؤل
دول مننا راحوا فين
علشان حاسين بأنين
في قلوبنا بيه عايشين
لو ضحكت بس لينا
تمحي الآه والأنين
ما إحنا اللي فيها بنمحي
بنلاحق فيها الفرحة
نراضيها بأحلى بسمة
نستني تملي قلوبنا
ونسيب الحزن يمشي
وما نمسكش فيه
وما نمسكش فيه
ليست هناك تعليقات:
إرسال تعليق