كل واحد فينا راكب
قطر ماشي في إتجاه
مستحيل هقدر أغيّر
أو في يوم هركب معاه
يعني قلبي أكيد وقلبُه
زي قطرين عكس بعض
مهما يعني فضلت أحبُه
كان أكيد فعلاً فيه بُعد
يبقى ليه نتعلّق أكتر
ولّا نعشق ليه ونسهر
أفضللنا إن إحنا نبعد
قبل يعني الشوق ما يكبر
الحكاية من البداية
حُبُه صعب ومستحيل
فيه أكيد كان للنهاية
ألف عُذر ومية دليل
يبقى ليه نفكّر في شئ
مهما كان صافي وبرئ
ما إحنا عارفين يعني إنُه
صعب يجمعنا طريق
كل واحد فينا عارف
فين طريقه وخط سيرُه
بس يعني ماكنش شايف
ولّا عارف إيه مصيرُه
المهم نقدر نكمّل
لجل يعني القطر يوصل
كل واحد في طريقه
الطريق راح يبقى أسهل
بقلمي عبدالحميد وهبه
ليست هناك تعليقات:
إرسال تعليق