ثقتي فيكي مالها حدود
ويشهد ربنا المعبود
كنتي وما زلتي حبيبتي
اللي ما ليها اي حدود
كسرتي كل حواجز الخوف
طلعتي فوق جدار الصمت
وبين ليل يومي والأمس
بقيتي زي غروب الشمس
بكلمتين جابوا النهاية
وخلصت خلاص الحكاية
بأيدك انتي مش انا
وهي دي كانت النهاية
هاعيش فاكرك حد جميل
قضيت معاه اجمل حكاية
حكاية لكل العاشقين
يغنوها علي الربابة
يا أجمل شمس طلعتلي
ما غابت طول الحكاية
سنين فاتت كتير عدت
سنين وشمس حياتي
ولا مره في يوم غربت
ولما شوفت غروب الشمس
اتاريها نهاية الحكاية
الوداع باحبيبة الروح
يا قاعدة وساكنة جوايا
الوداع يا صاحبة ياواحد
يابطلة اجمل حكاية
بقلم
احمد محمود
من ديوان سكة العاشقين
ليست هناك تعليقات:
إرسال تعليق