حبيبتي
كانت معذباني و مجنناني
مش بالكلام لكن بالسكوت
قسيت عليها كتير قوي
عرفت عليها طوب الأرض
شبعت إهانة مني ضرب
لا في يوم صوتها عليه علي
ولا شكتني لطوب الأرض
سنين عدت علينا كتير
وانا ولا خشي ولا ضمير
وليلاتي دموعها علي الخدين
حتي وهي ساجدة علي. الأرض
وفي ليلة زادت قوي في صلاتها
وشوية صوتها كان عالي
سمعت اللي ما يخطر علي بالي
اتاريها كانت تدعيلي
بتدعيلي بالرزق وطول. العمر
ويحبب فيا تراب الأرض
دعاها دا هز كياني
خلاني بقيت واحد تاني
نضفت وفارقني شيطاني
ودموع عيني كانت سبقاني
ندهت عليها بعلو الصوت
وبقول ياحبيبتي سامحيني
اتاري سبقني إليها الموت
وهي ساجدة بجبينها
وحوالين جبينها بركة ميه
اتاريها كانت دموع عينها
وبقيت انا والدموع والليل
ومعايا كل احزاني
عايشين معاكي علي الذكري
يا مالكة قلبي وكياني
بقلم
احمد. محمود
من ديوان سكة العاشقين
ليست هناك تعليقات:
إرسال تعليق