ايش المسبب لهجرك ذي عليا طال
ايش السبب ياضنايا ايش هي العله
للغنـــوجه ولـــدلال ولصـــد والاهمال
وكيف وانتِ الــذي في كــــل يوم بذله
وكل وارد جـــديد بالسوق لك ينشال
تتفنني بالحـــلي والسلـــس والدبــله
واليوم تستكثري عني القميص والشال
ماهـــــكذا مايجــــوز بالشرع والمله
فعلك ولا لي خراج نجلس على ذالحال
جي نستشير الجمـــيع جمهــورنا كله
نسمـــــع لأرائهم الكـــل بالاجــــمال
فهـــل جدال الحبيب جايز مع خـــله
وهل يجــوز الجفا والسرف بالاموال
منذي غلــط مننا ومنذي فــــقد عقله
الحكــم متروك لكم جمـــهورنا العُقال
ولا قد احنا سوى في داخــل السله
وكل واحـــــد معه من هذه الاشكال
حـــرمه تحقـــق معه وتاخــــذ الغــله
وتتركه عالحــــديد مافي بجيبه ريال
ان كان هـــــذا الخبر واقع اذاً سهله
نصيحتي للعـزب يصــبر يقـــــع رجال
قلم/توفيق المجعشي
ليست هناك تعليقات:
إرسال تعليق