هقفل بيبان القلب والشبابيك
ومن النهاردة غير مُتاح أنا ليك
حتى الطريق بقى للعتاب مقفول
ومن النهاردة معاملة هتليق بيك
لا باقيت خلاص أزعل ولا أتأثر
ما أنا قولتهالك من سنين وأكتر
هتبيع هبيع مش هبقى على حاجه
والشئ أكيد بالشئ بقى يُذكر
مش كل حبة وكل ساعة بحال
وألف قصة وييجي مية موال
بصراحة فعلاً صبري عدّى وطال
مابقتش هعمل كل شئ يرضيك
ومن النهاردة غير مُتاح أنا ليك
من النهاردة الكلام بحساب
جايز كمان بكره يكون ممنوع
ومافيش سؤال لُه عندي أي جواب
القصة خلصت وإنتهى الموضوع
ومسير حياتي راجعة طبيعية
لازم هعيشها زيّ ما هيّ
لا دموع أكيد ولا كلام تاني
ممكن في يوم هيأثّروا فيّا
بعد بيبان القلب ما إتقفلت
فأكيد كده صبح الحوار خلصان
يعني اللي فات أهي مرحلة وعدّت
ما هي كل حاجة وكل شئ لُه أوان
ومن اللي فات لابد أتعلّم
وهعيش لنفسي خلاص بقى أسلم
والماضي صفحة خلاص قفلناها
وعليها تاني صعب يوم أندم
بقلمي عبدالحميد وهبه
ليست هناك تعليقات:
إرسال تعليق