لمّا شحنت في قلبَك حُبي
جالك ضِعف الشحن رصيد
ولاقيت حُبَك جوه في قلبي
يوم عن يوم عمّال بيزيد
وأمّا هتشحن فعلاً أكتر
تلقى رصيد الحُب بيكبر
وهيصبح فعلاً أضعاف
يعني النظرة هترجع مية
والكلمة هتترد أغنية
واللي يجرّب غير من شاف
أصل القلب ده زي الباقة
محتاج لشحن وتجديد
لمّا شحنت في قلبَك حبي
جالك ضعف الشحن رصيد
إزاي تسمح وإزاي تقبل
إن رصيدي في قلبك يخلص
مهما بيجرى ومهما بيحصل
عمر رصيدك عندي ما ينقص
صدّقني تملّي وكالعادة
في القلب رصيدك بزيادة
يعني هتشحن شوق ومحبة
تلقاهم أضعاف متعادة
كام مرة حاولت تكلّمني
ورصيد القلب ماهوش كافي
إستخدم خدمة سلّفني
هبعت من قلبي رصيد صافي
من حب وأشواق وحنين
ومشاعر بتسُر العين
وأشحنلك بالحب حياتك
وأوهبلك من عمري سنين
بقلمي عبدالحميد وهبه
ليست هناك تعليقات:
إرسال تعليق