فاكرة اول يوم
بدأت فيه حكايتنا
اول يوم في الجيش
ساعة صبح. فجرية
وانتي واقفة في الشباك
واقفة وري الشيش
مجهزالي شنطة فيها
فرخة كبيرة محمرة
وشوية فاكهة وعيش
وبدموع العين بتودعبني
كأني رايح يمكن مجيش
خلتيني نفسي ارجع
ولو سجني ميت شاويش
ولبسوني الأساور
وكلبشوني بميت كلبش
شوفت في عيونك حمامة
شوفت حسرة ومين ندامة
رشقوا في قلبي بكلبش
طالت الأيام عليه
وبخيالك تملي اشوفك
رايحة جاية. ما بتهمدش
وعدت سنين طويلة
والحياة دي فرقتنا
لكن بردوا زي ما انتي
عشقي وحبي وحبيبتي
مشتاق لنظرة بعيونك
وانتي واقفة وري الشيش
وبردوا لو سجنوني
وقفل عليا ميت شاويش
هفضل احبك
بقلم
احمد محمود
من ديوان حبة رتوش
ليست هناك تعليقات:
إرسال تعليق