رغم النزوح والترحال
الحمدلله عنا آمال
عنا الحب والحنين
وعنا الصبر وطول البال
وعالبلد بكرة راجعين
وتكثر عنا الأشغال
وبالفرحة موعودين
لنعيش بعز ودلال
أتاري إيجا هوكستين
وأصدر من تمو مقال
حتى تعيشوا مرتاحين
وما تبقوا على هالحال
لازم تنسوا فلسطين
والسلاح للدولة بينشال
وحتى يعودوا المحتلين
ويعيشوا بأرض لشمال
وبني صهيون متحدين
مع الخونة والأنذال
وعالبلد منكن راجعين
قبل الشهر شي مُحال
رغم نحنا المنتصرين
بشجاعة لرجال الأبطال
ورغم شعبنا الحزين
وشهداء هدُّوا لجبال
عهد أعطانا الأمين
بشموخ عالي ما بينطال
جيش وشعب منتظرين
حتى تتحرر فلسطين
وندحر جيش الإحتلال
بقلمي ♥️إسحاق قشاقش♥️
ليست هناك تعليقات:
إرسال تعليق