مجلة ضفاف القلوب الثقافية

الاثنين، 24 مارس 2025

الوحدة ياعرب بقلم احمد محمود

الوحدة ياعرب
لسة ما اتعلمناش الدرس
      لسة مفيش قلب فينا حس
إن قوتنا في وحدتنا
      وان الذل في فرقتنا
ونقول للظلم اخرس هس
    لسة ما اتعلمناش الدرس
ودم العربي هوا الأرخص
     مع أن عزوتنا في اسلامنا
ودم العربي دا اشرف دم
   عروش وكراسي ايه بس ياعم
اللي انتوا خايفين بس عليها
     ولا الدم دا أصبح مي
شعوبنا دمها قايد نار
     من فعل شوية اشرار
رؤسائنا يا أمرا وملوك وسلاطين
     كفاية رؤسكم في الطين
ايدك في ايد اخوك ونفكرهم
     ونجدد امجادنا في حطين
يا وطنا ياعربي ياحزين
    يا كل بلادنا العربية
سعادتنا في تحريرك يافلسطين
    والجولان. كمان عربية
معجونة بريحة ياسمين
      ويمانا ياعربي سعيد
وعراقنا يا حر ياجريح
      وسودانا يا ارض التاريخ
ومغربنا العربي يا جميل
    وخليجنا ياعربي يا نعسان
طول عمر ولادك فرسان
    اتلموا حوالين ام الدنيا
وعلي اعادينا ياله نصيح
    عزوتنا والله في وحدتنا
يا وطنا العربي ياجريح
بقلم
احمد محمود

ليست هناك تعليقات:

إرسال تعليق