يادنيا عالتمثيليه وعالإخراج الجميل
مش مهم مين الضحيه
ومش مهم مين الذليل
السياسه ليها ناسها
والغلابه شايلين مداسها
والضعيفه الظلم داسها
والحب عاد م المستحيل
شكرأ يادنيا
خلتينا نعيش ف شده
وتفكيرنا كله ف اكل عيشنا
والقدس يصرخ من هشاشنا
والسُلطه ف أدين العويل
شكرأ يادنيا عالوباء
طلع مافينا من بلاء
حقد وغلاء واستيلاء
والمرضى ماتو من غير دواء
والوباء ف الضمير
راح لحد الأسوياء
شكرأ يادنيا عالجميل
وعالإخراج الجميل
شكرأ يادنيا
سيدحجازي
ليست هناك تعليقات:
إرسال تعليق