حب حبيبتي دا حكاية
أحلامي بيها دي رواية
بس خسارة في عز الشوق
بلقاها حبيبتي نساية
يا ناسية دايما مواعيدي
بتطفي ليه شموع عيدي
مع إنك ساكنة جوايا
بتجري جوة في وريدي
بتجري ومعاكي اشواقي
وشوقي خيلي يا سباقي
تمللي وراكي وساعة الفوز
حنيني وحده هو الباقي
لأنك حبيبتي نساية
نسيتي ميعاده يا دوايا
واديه محموم بنار الشوق
بيحلم بكرة ببداية
يحيى حسين القاهرة
25 أبريل 2025
ليست هناك تعليقات:
إرسال تعليق