لغة الأرواح مابتكدبشي ولا يوم بتخون
يعني اللي تحسه بيحسك لو فين ما تكون
فيه بينا طريق دايماً واصل مع همزة وصل
مافيهوش لا مجال للشك أكيد ولا أي ظنون
فيه تشابه دايماً في صفاتنا ولغة التفكير
وأكيد في حاجات فعلاً تانيه والله كتير
أوقات بنفكر في كلام له نفس المعنى
وساعات بنقول نفس الجملة مافيهاش تغيير
وأمّا بنتكلّم أنا وهو والعين في العين
نتمنى اللحظة اللي مابينا تفضل لسنين
ده بيحصل دايماً في خيالنا وكأنه حلم
وباقينا فعلاً روح واحدة مش يعني روحين
كان حلم جميل نفسنا يصبح واللهِ حقيقة
إزاي يتحقق مش عارف وبأنهي طريقة
أنا نفسي أغمض لو لحظة وأفتّح عيني
ألقاه بيتحقق في أقل من نص دقيقة
مين ممكن كان يوم يتصوّر أو مرة يصدّق
إننا هنحب بأرواحنا أو ممكن نعشق
و ده أجمل شئ إن ماحدش ممكن يتخيل
ف معانا أكيد عمر ما حاجة واللهِ هتفرق
بقلمي عبدالحميد وهبه
ليست هناك تعليقات:
إرسال تعليق