رجعت من الغربة لإطمن على حبابي
وعلى أهلي وبعض أصحابي
لقيت للبيت مخلعة الأبواب
وللموت ما كنت عامل حسابي
فقدت خيي لبعدو بريعان الشباب
رفيق عمري بأيام شبابي
وإبن إختي كان من أعز لحباب
وقريب مني وبابو جنب بابي
وإبن إختي ل بابو جنب بابي
ولقيت البلد كلها دمار وخراب
ويلي ما تدمر لجناب منصابة
وقعدت لحالي وأحلامي سراب
وعم إتحسر على طول غيابي
وقلبي بسهم الحزن إنصاب
وما إنصاب بيتي ولا عتابي
ويا ريت ما ضاعت كل هالشباب
وعلى بيتي مدمر إزحف على ركابي
وإبن إختي بكير عني غاب
وعليه زاد همي وحزني وعذابي
وخيي مفقود الأثر وذاب مع لتراب
ومن دم الشهدا بيتعبى خوابي
ولربي اتوسلت يريحني من العذاب
ومن حين عروجهن الموت عندي طاب
ويا ريت ربي بالشهادة بيعمل حسابي
بقلمي♥️إسحاق قشاقش♥️
ليست هناك تعليقات:
إرسال تعليق