ليه مُصِرّ عليه تخبي
ليه تداري ف لوعتك وف عيني حبي
ليه بتمسح دمعتك وتقول ده قدري
تطفي ايدك شمعتك ماتسيبها تضوي
ليه تعافر ليه تكابر
قول لإمتى هتبقى صابر
ليه لدنيا الخوف تسافر
ده الغرام مش جُرم سافر
أو حرام والعشق كافر
قوللي إيه ذنبك وذنبي
قوللي خايف بس ليه
والسكات هيفيد بإيه
روحله قولُّه بعشقه بوح
اوعى منك يوم يروح
تآسي الجروح وتندم عليه
سيب ايديك تحضن ايديه
سيب عنيك تسكن عنيه
لو يوم تعبت من الزمن
ادّارى فيه
لو مرة غبت عن عنيه
إنده عليه
هتشوفه جمبك ليل نهار
هتحس بيه
يبقى خِلِّي رفيق لدربي
ده العمر بكرة خيط تكُرّ
وأوام يمُرّ
اسمع كلامي وحس بيّا
بتقوللي حاضر انت حُرّ
أيوه حر
وهشيل لوحدي المسئولية
بتقوللي هشقى وهلقى مرّ
مُرّ مُرّ
أحسن ماعمري يروح عليّا
اوعى الغرام لعنيك يغُرّ
خَلِّيه يغُر
دي عيون حبيبي صافية ليّا
هتداوي جرحي تزيح ف كربي
قول يا قلبي
بقلمي/ خالد جمال ٢٤/٥/٢٠٢٥
ليست هناك تعليقات:
إرسال تعليق