ما اخترتش أنا تعذيبي معاك
ما اخترتش حزني اللي كسرني
ما اخترتش غدرك ويا أساك
بالعكس ده هوه اللي اختارني
ما اخترتش أبقى أسير لهواك
واني أطلب منه يحررني
أول ما عرفتك شفت ملاك
مشدود كده ليك وبتبهرني
ودعيت ربي ما يكونلي سواك
أني أسعد فيك ويقدّرني
عشت أخلص ليك بس أنت هواك
لا عمل لي حساب ولا قدّرني
ما خطرشي ف بالي أن أنا هلقاك
نار فيك وجحيم بتودرني
وملاك كان أصله عذاب وهلاك
وشيطان للحسرة مجرجرني
ومحيت أحلام كبرت ف هواك
وهدمت البيت اللي سترني
وجنيت على قلب برئ وياك
أخلصت وقلبك دمرني
بس عشان صنت العشرة معاك
على ظلم هواك ربي نصرني
ما اخترتش أنا معاناتي معاك
بس أنت اخترت تكدرني
اخترت حياتي تدوم وياك
واخترت بظلمك تخسرني
بقلمي/ خالد جمال ٢٤/٨/٢٠٢٥
ليست هناك تعليقات:
إرسال تعليق