...............
بتهدد قلبي ل ميه مره
هتسيبني تروح
ومانيعني أتكلم ولا أشكي
وأقول مجروح
مش خايف أعاندك وأقول لك
ما الباب مفتوح
ويا ريتك تصدق في كلامك
وإعملها و روح
لأتحزم وأرقص زهقانه
أهجرني و روح
وأوزع شربات ع الحته
وبوفيه مفتوح
ده قطيعه الحب وكان يومه
جاه عندي حروف
دبدوب كام ورده وكام غنوه
أطرش ما يشوف
أستاذ تمثيل ولا فيه منه
وذواق لوشوش
ووقفت لأهلي عشان قلبي
عاجبه سي مندوح
فكرت بقلبي وراح عقلي
مقموص ملووح
ويا ريته كان يوم بكانى
ولا فيش مندوح
ده نهارك أسود مش كحلي
يا جدار مشروخ
ده كفايه لهمك أنا صابره
من الغم رفوف
وبروده قلبك خليتني
عايشه بدون روح
على قلبه مراوح متهني
تلاجه بروح
وإن قولت لعقلي إني هسيبه
لأ غير مسموح
رديت دلوقتي بتنصحني
لسنين ملووح
دي مرآيه الحب يا ناس عاميه
ولا أنا منحوس
بقلم .. صبري رسلان
ليست هناك تعليقات:
إرسال تعليق