حب ع الفيس بوك بقلم نصر سيد بدر

حب ع الفيس بوك

اشتريت نفس البضاعه ؟؟

اللي اتباعت لي قبلك ؟؟

بالبتاع ثم البتاعه ..

تستغل الناصحه هبلك

بوست جامد ..كلمتين..

قلب جواه نن عين..

ياحبيبي رحت فين؟؟

ياواحشني. .نفسي اقابلك

بوست جوه قلوب كتير..

والورود حواليه تطير..

لكن السر الخطير ..

دى اشتغاله ..مش حقيقه..

والقلوب دى مش بريئة 

والكلام ..بيجيب كلام..

واللي تبدأ بالسلام ..

ثم نظره..فابتسام. .

وابتسام عايزه تقابلك..

واللي قالت لك ..ياغالي..

حطه صوره كيوت لطيفه..

في الاساس تشبه لخالي..

بس اعوذ بالله .. مخيفه..

عمرها ما يوم تحبك ..

دى نفوس خاينه وضعيفه

لو يجوز توصف جمالها 

شعرها اكرت وليفه..

عامله. انجلينا جولي..

وهى خالتى أم حنيفه 

تدخل الحمام حافيه 

عمرها ماكانت نضيفه

اما بابا المستشار. .

في الاساس..بياع خضار

جد ماما..اصله شامي 

قبل ما يتوب كان حرامي

اما عيلتها المناصب..

في الاساس الكل ناصب..

تحسبوهم قمورات ...

والفلر ع الوش فات ..

باعتبار أحنا الزباين..

يبقى من حقى اعاين..

اوعي تتعلق بصوره..

مبعوته لك..فيها سهم..

تصبح الغلطه بفوره..

اصل حب الفيس ده وهم.

... .......

شعر / نصر سيد بدر القاهره

@إشارة