ولد صُح إبن راجل كلمه وليها ألف مدلول
قيم وأخلاق على المباديء طول عمره ثابت
وكلمتة واحده وقد القول
ميزان عقلة يوزن بلد
وفي الصحيح ديما معدول
جذوره أصيلة كما الشجرة فروعها في السماء عالية
وجذورها في الارض نبته فرعها مشرع عدل
بيطرح خير ولا أحسنها محصول
.......إبن الأصول..........
على الإلتزام والاحترام اتربى
وأكل وشرب على طبلية أبوه
وللمجدعة منها عبى
تسلم البطن اللي شالت
ويسلم أهله اللي علي الأصول ربوه
يامة ولا قليل بالنسبالة المش سايح على عسل
متغمس بااحل طعم مربى شافوه
........إبن الأصول.......
طول عمره حنين
تسمع كلامه تلقاه حسن الخلق لين
البعض بيقدر طيبته دي خوف
ودا راجع لأ نه قلبه كبير وعطوف
واضح وصريح ديما سيبها على الله
في حياتة بكل الظروف
عمره ماكان واطي
راسة طول عمرها لفوق مرفوعة
ليها ما يطاطي
حافظ مركزه و مقامة .....طول عمرة عارف تمامة
لعمره بيجي على غلبان
ولاعمرة لكرامتة يوم هان حافظ كرامتة وليها صاين
معرموش قالوا عليه أكل حقوق الغير ولا يوم خان
مابيقفش مع حد على حد ومابيقولش غير الحق
وكلمه الحق فوق لسانة تبان
وتظهر رجولتة لو على رقبته سيف
ماينطقش غير بيها لاأنه إنسان
بالحق يقولها وصوته يعليها
مايعرفش يخفيها أصله مش عيل ولاجبان
دا راجل من زمن الفرسان
معروف بشهامتة إنه من الشجعان
ليه هيبة وسيرتة مذكورة تشرف بااي مكان
........ إبن الأصول .......
متاصل الغالي أبو الطلة الحلوة
والمقام عالي صاحب صاحبة
على أصول المجدعة أتربى
ورثها أبا عن جد وبجدارة وليها عبى
يقف في ضهرك جسر وتد يسندك
لحد ماتقف على رجلك وتعدي
ابو الكرم والشهامة معروف عنه الجود
خيره على الكل وسيرتة الطيبة بتجود
وبيتة مفتوح للكل صغير كبير
الخير كله عنده موجود
إبن الأصول
بقلم عبد المنعم مرعي
ليست هناك تعليقات:
إرسال تعليق