..........
نقصاك يا سي قلبي
تجرصنا
والناس تتلم
إعقل كده حبه بلا محبه
ويا عم إتلم
أول ما عينيك جات في عينيها
تمثال وإتصم
إتحرك يا سي روميو طريقك
مش وقته يا عم
إفتح للناس سكه وعدي
بلا حرقه دم
بلا حب وغم إستكفينا
مش ناقصه مشاكل
كلما تقرب من واحده
بتوه مش فاكر
عقلك مش فيك بتورطنا
طاخ طيخ يا ساتر
على أيدك أنا ميت ميت
هطفش وههاجر
لو أعد الضرب اللي أنا
كلته راح أتوه مش فاكر
باللذمه أنا خايف لو أغمض
تسجني يا شاطر
عيبك بتحب في أحلامك
والواقع غيير
بتسيبني ضحيه لأوهامك
والناس تقدير
ضرب وتكسير والذي منه
ولا لص عجين
آخريتها معاك أنا فاض بيا
كان نفسي أطير
لأهرب من همك وعمايلك
لأمان بالليل
وأحلف لك ما هشوفك تاني
عكسك راح أسير
ويا خلق يا هوه توبه من النوبه
هكسر وراه زير
بقلم .. صبري رسلان
ليست هناك تعليقات:
إرسال تعليق