هوه انت عشان قلبي اختارك
من بين ملايين
يبقى جزاؤه تكويه بنارك
ولا مرة تلين
ولا عشان نغمة ف اوتارك
يسمعها انين
وعشان ما هو مروي بأنهارك
هيعيش ف الطين
والضي ان كان من أنوارك
راح يعمي العين
ده خيال ومسيطر على بالك
أو وهم لعين
دانا زي ما يوم قلبي اختارك
هنساك لو مين
دانا شفت ملاك واتاريك واحد
م البني آدمين
ياللي انت جديد ف الشوق حرص
من عود ياسمين
بيشدك فيه بس المنظر
وإن مال بتميل
مروي بجبروت مسقي بحنضل
وسموم تعابين
وتسيب رياحين وتفوت عنبر
جوه البساتين
دوَّر ع القلب اللي يقدَّر
مخلص وأمين
ولا تهوى جمال فيك بيأخر
تندم بعدين
وتعيش ف هواه كده متخدر
أيام وسنين
لو عشت أسير منه اتحرر
وانساه لو مين
بقلمي/ خالد جمال ١٥/١/٢٠٢٦
ليست هناك تعليقات:
إرسال تعليق